Twin Coast Cycle Trail

Te haerenga Opua – Kawakawa

Official Partners logo
Official Partners logo
Official Partners logo
Official Partners logo
Official Partners logo
Official Partners logo

Te haerenga Opua – Kawakawa (11km)

Hei te marama o Aperira 2014 ka whakatuwheratia tēnei wāhanga o te Pou Herenga Tai.

E whai haere ana te huarahi i te rerewē tawhito mai i Kawakawa ki Opua. Kei te taha matau o te Wahapū o Opua ā, e whai haere ana i te ngutuawa o Waikare. He whenua pararahi, he ngāwari e tino pai mō ngā whānau. Ka kitea te hononga o te ngutuawa ki te awa o Kawakawa. Ko ngā kiromita tuatahi e whitu he huarahi paihikara, nā ko ngā kiromita e whā e toe ana ko tētahi rerewē whakinga.

I te tau kotahi mano waru rau ono tekau mā waru(1868) i whakatuwherahia tētahi ngahere taramū mai i Kawakawa ki Taumarere ki te mau huke ki tāwahi. I te tau kotahi mano waru rau whitu tekau (1870) i hurihia te rerewē ki tētahi rerewē maitai, ka haere tōtika te rerewē ki Opua. I whakahouhia te rerewē maitai o Te Pewhairangi mai i ngā kiromita tekau mā tahi ira rima ki Taumarere, ko tēnei tētahi o ngā rerewē tūturu tino roa o Aotearoa.

He haerenga rawe rawa atu tēnei mō te whānau i runga i te tereina whakinga, te Gabriel. Ka wehe atu i te teihana rerewē o Kawakawa i te hauauru o te taone, ā, ka haere tonu ki ngā taha whenua o Taumarere, ā ka hoki mai anō. I whakatungia te teihana o Kawakawa i te tau kotahi mano iwa rau tekau mā tahi (1911) i toro hoki te teihana tuatahi, e mōhio ana te Rail Heritage Trust me te Far North District Council ki ngā tikanga ake o ēnei taonga pūmau.

Ka pahure te huarahi paihikara i ngā piriti tekau mā whā, ka hau atu i tētahi anaroa i te taha o ngā mānawa o te awa o Kawakawa.

Ko te haerenga atu ki Opua ka kitea ngā wai puapua o te Pewhairangi me te herenga waka o Opua. He wharekai, he wharepaku me tētahi taunga waka i te timatanga me te mutunga o tō haere. Me haere ki te kite i te toa o Opua- kotahi rau tau te tawhito, e noho ana i runga āke i te wai. Hīkoi ki runga i te Wāpu o Opua. He wāhi takatū, arumoni a Opua, he rahi hoki te taunga poti, me te iari poti. (boatyard). He urunga taunga tima nui tēnei wāpu mō ngā tima o tāwahi, he wāhi e paingia ana mō ōna wai hohonu, pai mō te taunga, te karapu poti me ngā whakaurunga mō ngā tangata whai poti. Mai i Opua ka whakawhiti atu te waka whakawhiti i te ngutuawa ka hono atu ki te rori o Russell.

He pai te huarahi hīkoi mai i Opua ki te takutai i Paihia, ā mehemea ka hopu koe i te waka whakawhiti ka mauria koe ki te huarahi hīkoi ki Russell. I te taha o Russell i te taha o te ngutuawa ko Okiato Point tēna, ko te wāhi pūmatua tuatahi o Aotearoa i ngā tau kotahi mano waru tekau, whā tekau (1840)ki te kotahi mano waru tekau whā tekau mā tahi. (1841) Ko te puna wai te taonga toenga o tēna wāhi.