Twin Coast Cycle Trail

Te haerenga Okaihau – Horeke

Official Partners logo
Official Partners logo
Official Partners logo
Official Partners logo
Official Partners logo

Te haerenga Okaihau – Horeke (24km)

Ko te tikanga hei te marama o Aperira 2014 ka whakatuwheratia tēnei wāhanga o te
Pou Herenga Tai.

He wāhi tino paingia a Okaihau mō te kohikohi me te whakataka mō te maha o ngā waka tautoko i runga i te huarahi pahikara. Ko tēnei kainga iti o Okaihau ngā kainga taiwhenua o te hāpori. Ko te whakamāramatanga o te ingoa, Okaihau, e pā ana ki te wāhi e tu nei Okaihau i runga i tētahi puke teitei, 200m te teitei nā ka titiro iho ki te Wahapū o Hokianga. I Okaihau me haere ki te kite i te Fire Service Museum. I waho atu i te taone ka pahure te Pou Herenga Tai i ngā keeti-Memorial Gates, he tohu whakamaumahara mō ngā Hoia o te Pakanga Tuatahi.

Tirohia ngā rakau Puriri tino nui i runga i te whenua o te Kura o te hāpori,
ngā toenga o ngā ngahere tuturu. He whenua rangatira katoa tēnei mō ngā hītori a te Māori.

E kōpiko haere ana te huarahi i te mahinga tino nui rawa mō ngā macadamia i Aotearoa, nā te tangata nei a Alexey Lykho. Nana i whakatuwhera tētahi wāhanga o tana mahinga mō ngā kaihikoi, ngā kaihōpuni me ngā kaieke pahikara.
Haere tonu puta noa i ngā ngahere paina, karapoti ana i ngā pāmu me ngā ngahere toi tuturu, e whai haere ana i te awa o Utakura. Kua oti tēnei wāhanga o Te Pou Herenga Tai, kua whakaaehia, kua tautokona e ngā
rangatira o ngā whenua o te hāpori. Hena koa tiakina a rātou whenua nā reira noho tonu ki te huarahi.

He mīharo ngā tirohanga mai i te huarahi ki Puketi me Omahuta Forests, e 15,000 heketea mō te ngahere kauri tuturu ki te raki o te Pou Herenga Tai. Haere tonui i te taha o ngā awa o Utakura me Waihou, nā ka rere atu ki te Wahapū o Hokianga, nā reira he wā tēnei mō te pikiniki mō te kaukau rānei. Aata tirohia te putiputi kowhai tino onge nei -te Rata e puawai ana i te takiwa. He wāhi tino rangatira te Riu o Utakura mō ngā hītori o te Māori me ngā rā o mua ā hei poka hokohoko. He matapuna kai tēnei awa mō te Māori. Anō hoki ngā mahinga haumako i ngā pararahi o Utakura. Ko Horeke Road he poka pahi hoki.

Ko Horeke kei te taha hauauru o te huarahi paihikara. Me haere i te taha o ngā mānawa i te taha o te wahapū. E tupu ana i te wai tote, te hāora paiaka hei wāhi whai oranga mō ngā ika o te wahapū. Ko Horeke te taone tawhito tuarua i Aotearoa, ā i konei te hōtera tuatahi- Horeke Hotel. Me mau ētahi paramanawa ā kia pai to haere. I Horeke ka pahure koe i ngā whare e noho ana i runga ake i te wai.

Haere tirohia te Manungu Mission Station tawhito rawa atu i runga i te puke,
ka kitea te ataahuatanga o te wahapū. I whakatūhia te Mangungu Mission Station i te tau 1828, hei Teihana tuarua mō te hāhi Weteriana i Aotearoa. I hangaia te whare i te tau 1839, ka whakahoutia hei pupuri i ngā taonga tūturu. He hononga tēnei ki te nuinga i haina te Tiriti o Waitangi, te pukapuka tuatahi o Aotearoa.